26/09/2016

Visitas Escolares na Biblioteca Pública de Pontevedra


A BIBLIOTECA PÚBLICA DE PONTEVEDRA iniciará a partir do  2 de novembro   e ata  o 31 de maio de 2017, o seu programa de “Formación de usuarios  e Animación á lectura” aberto a tódolos centros escolares de Pontevedra e a súa provincia.

            As  visitas diríxense a nenos e nenas dos cursos de 4º, 5º e 6º de Infantil e 1º, 2º, 3º, 4º, 5º e 6º de Primaria. A súa duración  será aproximadamente de 60 minutos, nos que se van a desenvolver  actividades de animación  adaptadas ás diferentes idades, coa finalidade de fomentar a lectura e dar a coñecer os servizos e fondos bibliográficos da Biblioteca. 

Realizaranse tódolos  mércores  dúas visitas en horario de mañá de 10:00 a 11:00 horas a primeira e de 11:15 a 12:15 horas a segunda,  en grupos  de 25  a 30 alumnos.

            É necesaria a concertación previa de visitas, na que se deberá indicar:  o curso ao que pertezen e a actividade que se escolle, cun límite de catro sesións por colexio.

ÁBRESE O PRAZO O DÍA 3 DE OUTUBRO  na Biblioteca Pública en horario de 9 a 14 h. no tlf. 886 159 249.

25/09/2016

A ordenación dos fondos na Biblioteca - A CDU


Artigo relacionado : "Aprende xogando" a

No noso cole as cores dos ciclos son : 

1º Ciclo: AZUL  2º Ciclo: VERMELLO   3º Ciclo: Verde

 Noutros centros poden cambiar as cores para indicar os ciclos ou niveis pode cambiar.

19/09/2016

A Biblioteca Escolar

Aprende xogando, algunhas das  cousas sobre como debe funcionar unha biblioteca, cales son as normas, a súa organización, que espazos hai, que fan os axudantes, cales son as partes dun libro ...

Artigo relacionado: "A ordenación dos libros na Biblioteca - A CDU"

No noso cole as cores dos ciclos son : 

1º Ciclo: AZUL  2º CicloVERMELLO   3º CicloVerde

 Noutros centros poden cambiar as cores para indicar os ciclos ou niveis pode cambiar, como ocorre coa Biblioteca do xogo anterior.

Holanda converte as igrexas en Bibliotecas

Ver nova no ECO Republicano

Celebración do Día B - 21 de setembro "Día da bibliodiversidade"

   Celebración do Día B - Día da Bibliodiversidade

Campaña en favor da bibliodiversidade

Libros a eito

Lote de libros para compartir  do IES Fernando Esquío para os Clubes de Lectura das Biblioteca Escolares.

17/09/2016

A lectura unha chave de futuro


Aposta polo futuro - Propostas Unesco - Desenvolvemento Sostible - "Proxecto mozos/as polo cambio" 2016-17

Propostas das Escolas Asociadas Unesco de Desenvolvemento Sostible para o Curso 2016-17.

O informe GEM

  "A Educación ó servizo dos pobos e do  Planeta" publicado en comic pola UNESCO

Nace "O Papagaio". Xornal mensual para os escolares


Sempre é unha alegría recibir noticias deste tipo, pero se ademais son en galego moito mellor!!! "O Papagaio" é un xornal mensual de oito páxinas a toda cor, dirixido a nenos e nenas de Primaria e Secundaria, no que se tratarán temas de actualidade nas diferentes seccións nas que se divide: Actualidade, Banda Deseñada, Ecoloxía, Ciencia e Tecnoloxía, Histoira e Cultura, Natureza, Integración e Seccións Abertas. 

Xa se editou de balde para daren a coñecer  o número 0, para que poidades ir desfrutando da lectura desta nova publicación á que, dende o noso blogue, queremos desexarlle moitísima sorte!!! Se premes sobre a imaxe poderás ler o primeiro número.
2 Exemplares cada mes por 64 € ó ano.  / 10 exemplares 135 €   / 20 exemplares 210 €

 Información: 656838830

Escarlatina e Bisa Bea, Bisa Bel xa forman parte da lista de honra do IBBY

Escarlatina, a cociñeira defunta de Ledicia Costas pasa a formar parte da lista de honra do IBBY (International Board of Booksfor Young People) 2016, que recoñece as mellores publicacións internacionais dedicadas á literatura infantil e xuvenil. A novela, publicada en Xerais, xa fora galardoada co Premio Nacional de Literatura Infantil e Xuvenil e co Premio Lazarillo.
Estes días cúmprense dous anos da súa publicación e chega á súa oitava edición


Tamén forma  parte da lista o escritor e crítico literario Ramón Nicolás pola tradución ao galego de Bisa Bea, Bisa Bel da escritora brasileira Ana María Machado, publicada en Galaxia.

14/09/2016

Maruja Mallo - Homenaxeada no Día das Artes Galegas de 2017

A pintora viveirense Maruxa Mallo vai ser a homenaxeada no Día das Artes Galegas 2017. Así o acordou o plenario da Real Academia Galega de Belas Artes que este sábado se reuniu na Coruña. Segundo puido coñecer Sermos Galiza, os integrantes do pleno decidiron por maioría que fose Mallo a quen se lle adicase o día que pro vez primeira se celebrou este ano, 2016, e que estivo centrado en Castelao. A pintora viveirense collerá o relevo do escritor, político e artista rianxeiro.

Ler máis    -     Ver recursos

A olímpica Felicia Tilea no CEP Campolongo


08/09/2016

Deixounos Agustín Fernández Paz

Este verán, en xullo, deixonos un grande escritor, Agustín Fernández Paz, comprometido ate a médula, coa xuventude, cos libros e a súa lectura, e coa lingua galega. No 2015 recibiu o Premio dos Clubes de Lectura, para el un dos mellores agasallos que pode ter un escritor.

Cartel e lema das Bibliotecas Escolares para o curso 2016-17

"Biblioteca escolar - Territorio das Artes" é o lema escollido para os materiais que a Consellería de Cultura, Educación e Ordenación Universitaria edita a comezo do curso 2016/2017  con destino ás bibliotecas escolares dos centros educativos galegos.
A imaxe creada por Minia Regos garda moitas sorpresas para as lectoras e os lectores; propón un xogo de exploración e aventura por este "territorio" complexo e engaiolante que é toda biblioteca escolar.
 Biblioteca escolar, territorio das Artes convida a explorar fórmulas para espertar nos lectores e nas lectoras o interese por achegarse e apreciar os produtos artísticos, pero sobre todo  a experimentar o pracer de expresarse a través da música, a pintura, a arquitectura, a danza, o teatro, a literatura, a escultura, as artes visuais (cine, cómic, fotografía, videocreacións, videoxogos)."